അദ്ദിക്ർ

21: 30 ല്‍ വിവരിച്ചതുപോലെ ആകാശഭൂമികളെ ഒട്ടിപ്പിടിച്ച അവസ്ഥയില്‍ നിന്ന് വേര്‍പെടുത്തി ഇന്ന് കാണുന്ന വിധത്തില്‍ സംവിധാനിക്കുകയും ജീവന്‍ നിലനിര്‍ത്തുന്നതിന് വേണ്ടി വെള്ളം അനിവാര്യമാക്കുകയും ചെയ്തവനാണ് എല്ലാം അടക്കിഭരിക്കുന്ന ഏകാധിപനും സര്‍വ്വാധിപനും സ്വേച്ഛാധിപനുമായ ത്രികാലജ്ഞാനിയായ അല്ലാഹു. 3: 58 ല്‍ പറഞ്ഞ യുക്തിനിര്‍ഭരഗ്ര ന്ഥവും 25: 33 ല്‍ പറഞ്ഞ ഏറ്റവും നല്ല വിശദീകരണ ഗ്രന്ഥവും 33: 46 ല്‍ പറഞ്ഞ നാഥന്‍റെ സമ്മതപത്രവുമായ അദ്ദിക്ര്‍ ഉപയോഗപ്പെടുത്തുന്നവര്‍ മാത്രമേ വിശ്വാസിയായ അവന്‍റെ പ്രതിനിധികളും അല്ലാഹുവിനെക്കുറിച്ച് ശരിയായ ധാരണ വെച്ചുപുലര്‍ത്തുന്നവരുമാവുകയുള്ളൂ. 112-ാം സൂറത്തില്‍ അല്ലാഹുവിനെ പരിചയപ്പെടുത്തുന്നത് ഇങ്ങനെയാണ്: നീ പറയുക: അവന്‍, അല്ലാഹു ഏകനാണ്. അവന്‍ പൂര്‍ണ്ണനാണ്, അഥവാ എല്ലാവര്‍ക്കും ആശ്രയമായിട്ടുള്ളവനും ആരുടെയും ആശ്രയം വേണ്ടാത്തവനുമാണ്. അവന് ഒരു സന്താനവുമില്ല, അവന്‍ ആരുടെയും സന്താനവുമല്ല. അവനെപ്പോലെ ഒരാളുമില്ല. 42: 11 ല്‍, അവനെപ്പോലെ ഒരു വസ്തുവുമില്ല എന്നും പറഞ്ഞിട്ടുണ്ട്. 2: 29, 116-117; 10: 61 വിശദീകരണം നോക്കുക.